Shillong, Jylliew 22: Ka seng CSWO kala btah ia ki paidbah jong ka jylla Meghalaya ba la da don kito ki long iing ki bym don ia ki Cards Ration ki dei ban ai kyrteng sha ka seng CSWO ban leh ia kaba don kam.
Ka seng ka la ong ba ka sorkar pdeng ka dei ban tip ia kaei kaba la jia ha ki nongkyndong ha kane ka jylla ha kaba ia dei bad ka jingshah ban bein jong ki paidbah. CSWO kala sdang ia kane ka kam na ka shong Nongmadan ia kaba la khot da ki paidbah katei ka shnong kaba hap hapoh jong ka Mawphlang Block.
Ka seng CSWO kala pynpaw ia ka jingsngew kyndit ka jong ka ban lap ba ki briew kiba shong ha kane ka shnong Nongmadan ki hap ban sngap beit ia kaei kaba u rangbah shnong u ong ia ki, kane ka la long kumba jia ha Pynter kaba hap hapoh jong ka pynursla Block.
Ha Nongmadan ka CSWO ka lap ba ki don kumba 17 tylli ki long iing ba kim don ia ki cards ration kane kala pynlyngoh ia ka seng namar kine ki 17 tylli ki long iing ki long kiba duk bad ki don kam ia ka cards Ration.
Ka jingsniew jong ka surok ha kane ka shnong ruh kala long sha ba palat bad na ka liang jong ka seng CSWO kan nym shong kli kti kan wad jingtip namar ba ki paidbah kila ia kynduh shisha ia ki jingeh na ka jingsiew jong ka surok.(SP News)
