New Delhi, Naitung 26: U myntri ba dei khmih ia ka tnat ri Dohkha, ri Mard bad pynmih Dud , u Parshottam Rupala, haba jubab ia ka jingkylli jong u MP ka 1-Shillong u bah Vincent H Pala haba ia dei bad ka jingpang Lumpy ki Masi ha Meghalaya, la ong ba ka sorkar pdeng kala iohi ia kane ka jingtip.
Hooid.Ka tnat Animal Husbandry and Dairying, Ministry of Fisheries, Animal Husbandry and Dairying, Sorkar India ka tip shaphang ka jingpur jong ka jingpang Lumpy Skin Disease (LSD)ha ka ri.
Ka tnat ka dang shim ia ki sienjam ba donkam ban ai jingkyrshan ia ki jylla bad UT ban tehlakam ia kane ka jingpang, kaba kynthup ia ka jingiarap pisa bad ka jingiarap ha ki kam teknikal.
Ka jingiarap pisa ia ki jylla, UT ka long katkum ka jingdonkam hapoh ka Assistance to State for Control of Animal Diseases (ASCAD) ban thied ia ki dose jong ki dawai tika Goat Pox Vaccine ban ai dawai tika na ka bynta ka jingpang Lumpy Skin Disease (LSD).
Ki kynhun jong ka Sorkar Pdeng ki la leit ruh sha ki jylla bad UT ba shah ktah ban ai jingbatai shaphang ki rukom pynbeitia kane bad ban ai jingiarap teknikal.
Ki rukom treikam bad ki jingai jingmut ban tehlakamia ka LSD kiba kynthup ia ka jingai dawai tika, ka jingsumar bad ka jingpeit ki dei kiba la sam sha ki jylla bad UT ban pyntreikam ban tehlakam ia kane ka jingpang da kaba buh ia ka por.
Ka jingpur jong ka jingpang ka dei kaba la tehlakam ha kaba mynta don6584 tylli ki case kiba dang iaidshakhmat. Palat 11.57 klur tylli ki mradki dei kiba la ioh dawai tika haduh mynta bad kane ka jingai dawai tika ka dang iaidshakhmat.
Ki jingtip shaphang ka pisa ba la pyllait bad mynjur la ai sha ki jylla bad UT na ka bynta ki snem 2022-23bad 2023-24 bad ia ki jingtip shaphang ka jingai dawai bad ka jingiap ki jingri ha ki jylla.
Ka jingiap ki masi naduh u Naitung 2022 haduh mynta ka long 200001ha kaba ka jingantad ia ka jinglutksan ka long T. 30000/- ia man ki masikatkum ki jinglong NDRF. Ka tnat kam don kano kano ka skhim ban ai jingsiew na ka bynta ka jinglutksan ki nongrijingri namar ka jingiap na ka Lumpy Skin Disease (LSD).
Katkum ki jingtip ba la ioh ki jylla Maharashtra, Karnataka ki la ai bai lutksania ki nongrep bad nongrijingri kiba la duh ia ki jingri namar ka LSD.
Shuh shuh, kumba la ioh jingtip na ka tnat Kam Pohiing, ki sorkar jong ki jylla ba shah ktah ki lah ban ai jingiarap na ka State Disaster Response Fund (SDRF) kaba la pynbiang ia ki katkum ka jingai jingmynjur ka Sorkar India shaphang ki tiar bad ki rukom treikam.
Ka kam rijingri ka hap hapoh ka jingpeit jong ki Sorkar jylla bad ki dawai ba donkam ki don ha ki hospital veterinary/ dispensary jong ki jylla bad UT. Ym don ka skhim jong ka Sorkar Pdeng kaba pynbiang dawai sha ki jylla / UT ban pynkoit na kum kine ki jingpang.
Hynrei, ki tnat Animal Husbandry and Dairying, ka tnat Fisheries, Animal Husbandry and Dairying jong ka Sorkar Pdeng ki la pynkhreh ia ki rukom ai jingsumar bad ki la sam ia kine sha ki jylla bad UT ban ai jingsumar bad tehlakam ia ka Lumpy Skin Disease.
Haduh mynta la lap ba ka dawai tika goat pox vaccine ka treikam pyrshah ia u khniang jingpang LSD bad ia ka pisa ban thied ia ki dawai tika goat pox la pynbiang ia ki jylla and UT hapoh ka ASCAD.
La pynbiang ka jingiarap pisa ia ki jylla/UTkatkum ka jingdonkam hapoh ka Assistance to State for Control of Animal Diseases (ASCAD) ban thied ia ki dawai tika Goat Pox Vaccine ban ai dawai tika pyrshah ia ka jingpang Lumpy Skin Disease (LSD). Palat 11.57 klur ki jingri ki dei kiba la ioh dawai tika haduh mynta bad kane ka jingai dawai tika ka dang iaidshakhmat.
