Shillong, Kyllalyngkot 30: Ka jingialang paidbah kaba la pynbeit da ka North East Student’s Organisation (NESO) kaba la long mynta ka sngi ha Motphran mynta ka sngi haba da ki hajar na kylleng kila ia tuid sha kane ka jingialang, ka sur k kala pynmih ia kawei ka sur kaba mih na kane ka jingiaid paidbah ka long jia katba jia long katba long yn pyrshah beit ia ka Citizenship (Amendment) Bill 2016 jong ka sorkar pdeng.
Ki nongkren ha kane ka jingialang paidbah, u Chairman jong ka NESO, u Bah Samuel B Jyrwa u la ong ba ka jingpyrshah jong ka NESO ia kane ka Bill ka la long naduh u snem 2016, kum ka kynhun kila leit ban ia kynduh ia u myntri kam poh iing ka sorkar pdeng u Rajnath Singh ban pynpaw ia ka jingpyrshah, kila ia kynduh ia ka Joint Parliamentary Committee ban pynpaw ia ka jingpyrshah, hynrei ka sorkar MDA kam shym la sngap ia ka jingpyrshah ka jong ki paidbah kane ka thain North East.
Ha ka jingkren jong u Bah Samuel, u la ong ba ia ka jingleh donbor ka sorkar pdeng ia ki rit paid ka dong shatei lam mih ngi jong ka Ri India kala paw naduh u snem 1947 ha kaba la pynrung jubor ia ka bri u Hynniewtrep sha ka Ri India, kala paw ba ha u snem 1966 ka sorkar pdeng kala pyndon kam da ki shipai suin ban bom ia ki Mizom bad ka jingpyndon kam ia ka Arms Forces Special Power Act bad mynta ka sorkar BJP kala mut ban pyndam ia ki rit paid ka North East da kaba wanrah ia kane ka CAB, 2016.
U Chairman jong ka NESO u la ong ba kum ka kynhin ki rit paid ka dong shatei lam mih ngi jong ka Ri India kin pyrshah beit ia kane ka CAB 2016 la ka long ha kano kano ka rukom bad kane ka jingiaid paidbah bad kane ka jingialang paidbah kan phah ia ka khubor sha ka sorkar ba kan tip ba ki paidbah ka dong shatei lam mih ngi ki pyrshah ia kane ka CAB.
Ha ka jingkren ka jong u Chairman ka NESO u la ong ba ka jingkwah ka long ban weng noh wat ia ki briew kiba la wan rung beian sha kane ka dong shatei lam mih ngi jong ka Ri India hynrei kane ka sorkar BJP ka kwah ban wan rung ki briew na Bangladesh da ka ain, lada kita ki Hindu ki wan na Bangladesh ki wan ki rit paidbah ka North East kila shah tyllep bad kane ka jingleh jong ka BJP ka long ban pynlong rit paid ia ki trai shong da kaba wanrah ia ki briew na Bangladesh.
Kiwei ki nongialam seng bhalang kiba la kren ha kane ka jingialang paidbah, naduh u Bah Sadon Blah Secretary jong ka HNYF, u Sengbath Chambugong Secretary jong ka seng AYWO, Bah Lang Sawkmie president ka RBYF, Tengsal G Momin President ka GSU, Wellbirth Rani President ka FKJGP, u Manseng Sangma Assistant secretary general ka NESO, samla Lambokstatwell Marngar President ka KSU.
Kine ki nongkren baroh kila pynpaw ia ka jingpyrshah ia kane ka CAB jong ka sorkar pdeng ba kila niew ba kane ka dei ka khlam na ka bynta ki rit paid jong kane ka dong shatei lam mih ngi jong ka Ri India, baroh ki nongkren kila pynpaw ba jia katba jai long katba long kin pyrshah ia kane ka CAB lada jia ba ka sorkar pdeng ka pdiang ia kane ka Bill hapoh Rajya Sabha ruh. Ia ia kane ka jingialang la pyniaid da u general secretary ka seng KSU u samla Donal V Thabah.
