Shillong, Jylliew 17: Ka Jaintia National Council (JNC) – Central Council ka pynpaw iaka jing sngewkhia kaba jur halor ka jing bymlah jong ka Sorkar Jylla ban wanrah iaka shongsuk shongshngain hapoh ka jylla khamtam hapoh Ribhoi District bad East Khasi Hills District hadien ka jing kulmar bala mih naka jing pyrshah ban shna iaka surok Re hapoh Ri bhoi District bad ka jing shah kem jong ki Nongialam bad ki dkhot jong ka KSU.
Ka JNC ka pynrem jur iaka sorkar Congress hapoh ka jing ialam jong u myntri rangbah Dr Mukul Sangma halor ka jing shynshar donbor jong ka, la kynnoh ka JNC, tang iaka Ding kaba rhem bha hapoh ka jylla ka sorkar kam pat ban pyn jai jai naka liang jong u MR u la theh syndon daka Petrol haka ding kaba rhem da kaba pynbna ba yn pynpoi iaka Lynti Rel shaduh sohra da kaba pynbeij iaki paitbah ha kyrteng ka roi ka par.
Ka jing ailad jong ka sorkar ban sdang shna iaka lynti Rel hapoh ka jylla kadei ka jing shynshar donbor jong ka Sorkar jylla, namar haduh kine ki sngi kiba bun hi pyrshah ia kane ka jingleh jong ka sorkar namar la iohi jngai iaki jingma kiba ap iaka lawei jong ki pateng kiban wan, Lada ym pat ioh iaki kyndon Ain kiba biang ban tehlakam iaka jing wanrung jong ki briew kiba nabar sha kane ka Jylla jong ngi, kumba long ha Mizoram bad Nagaland.
Kane ka jing leh jong ka Sorkar MUA-2 kadei tang ka jing shim kabu ia u Paitbah namar bala jan kut ka Samoi Shynshar jong ki, ka jing shah jong ka Sorkar ban sdang iaka jing shna ia kane ka surok Rel kadei naka bynta ka jing myntoi shimet jong ka Sorkar Congress,ym naka bynta u Paitbah namarba u Paitbah ka jylla hi u Pyrshah jur ia kane ka Lynti Rel khlem ki Ain kiba biang. Kumta Halor kane ka Nongrim ka JNC ka kyrshan pura iaki mat jingdawa jong ka KSU ban wanrah shwa iaki Ain kiba khlain ban iada ia naka jing wan tyllup jong ki briew kiba Na bar, sa pyrkhat pat iaka surok Rel hadien.
Dei ka jingkhuid jing suba ki Lum ki wah ka jing jyrngam jong ki khlaw ki btab kaba lah ban kyntiew iaka kam jngoh kai hapoh ka jylla,ym ka Surok Rel,Lada ka sorkar Jylla ka kwah ban pynsuk iaki nongwan shang kai shaka jylla ka Tnad PWD kala dei ban pynbha iaki surok kali kaba ki paitbah ka jylla ki angnud,ka jing wan jong ka Surok Rel ka pynsuk iaki ba nabar ym iangi ki Trai jylla, kumta ka jingkam jong u MR ban pynboi iaka surok shaduh Sohra ban kyntiew iaka kam jngoh kai kalong kaba bakla.
Ka JNC ka kyntu ruh iaka tnad Pulit ban sangeh noh iaka jing kem bad khynra iaki dkhot jong ka KSU namar kane ka jing khynra bad kem iaki khun samla kala pynshong syier iaki shnong ki thaw bad kala ktah ruh iaka shong suk shong shngain ka Jylla ong u samla Sambormi Lyngdoh General Secretary JNC – Central Council.
