Shillong, Jylliew 08: Ka Telecom Regulatory Authority of India (TRAI) ka la pyllait ia ka jingwad bniah jong ka Independent Drive Test (IDT) kaba la pynlong ha kylleng ki distrik jong ka thain lam mihngi jong ka Ri Lum Jaintia bad ha ka thain sepngi jong ka Ri Lum Jaintia bad na Rathacherre Khasia Punjee sha Jowai ha surok NH-6 kaba hap ha ka jylla Meghalaya hapoh ka North East LSA, ha u Lber 2026.
Na ka bynta jingpyntip paidbah sha ki nongpyndait phone bad internet, Ka jingthmu jong kane ka jingpyrshang ka long ban ioh lad ban thew bad ka jingpynshisha ia ka jinglong ba bha bad ka liang ka ioh kti kaba mynta jong ki kynhun mobile network na ka bynta kiba pyndonkam ban kren phone bad ka data) kaba la ai da ka kompeni kaba pynbiang ia ka jingiakren phone ba tip kum ka Telecom Service Providers (TSP).
Ha ka por jong ka Independent Drive Test, ka TRAI ka la iohi ia ka jingtreikam jong ka Telecom Service Providers na ka bynta ka jingthew ka network ne Quality of Service (QoS) kum ka jinglah ban tap ia ka network, ka jingdkut shiteng ka lain ha ka por ba iakren phone ne ka Call Drop Rate (CDR).
Ka jingheh ne ki percentage jong ka jingiakren phone kiba pyniasoh bha naduh ba la nion ia u nombar phone haduh ban da iohsngew bha u nongshim ia ka phone ne ka Call Setup Success Rate (CSSR), ka jingdownload ia ki data ba donkam ne data Download (DL) bad Upload (UL) bad kiwei kiwei., ha kaba ia kane, la pynmih ban pyntip ia ki nongpyndonkam mobile bad pynshlur ia ki TSP ba ki nang pynbit pynbiang shuh shuh ia ki jingdonkam.
Kine ki Independent Drive Test (IDT) la shna ban pyni shisha ia ka jingtreikam jong ka mobile network jong baroh ki Telecom Service Provider (TSP) ha ki jaka bapher bapher kum ki sorbah, ki jaka pynpaw internet (hotspot), bad ki jaka shong kali paidbah.
Ha kane ka jait jingthew network, la pyllait ia ka ‘internet’ (data) bad ka kren phone (voice), la pynlong da kaba pyndait ia ki SIM card na baroh ki kynhun pynbiang ‘network’ (Telecom Service Provider – TSP) lyngba ki network 2G, 3G, 4G bad 5G. La pyndonkam bun jait ki mobile phone bad ia kane, la peit bniah bad khein da kaba pyndonkam da ki kor ki bor komputar.
Ka TRAI, lyngba ka kynhun jong ka, ka la dep pynlong ia ka jingthew network ha kylleng ka nongbah ka long 213.0 kilometar, ha surok Highway – 98.9 Kilometar, ki jaka pynpaw internet – 10, ka jingthew da kaba iaid – 0.5 Kilometar ha ka jylla Meghalaya ha ka 11 haduh 16 tarik, Lber 2026 ha North East LSA.
La pynlong ia kine ka jingthew hapoh ka jingpeit jong ka TRAI Regional Office Kolkata. Ka jingbatai jong kine ki kaiphod ka pyni tang kumno ka network ka long ha ka por bad ka jaka ba la test, ym shym mut ba kan neh kumba ka long shisha.
