Shillong, Jylliew 30: Mynta ka sngi ka Central Executive Committee jong ka United Democratic Party (UDP) ka la shong jingialang ban ia kren halor ka Reservation Roster kaba ka party kala buh ha ka kular elekshon.
U Dr. Jemino Mawthoh General Secretary ka party haba kren ha ki lat pathai khubor u la iathuh ba ha ka jingialang jong ka central Excutive Committee ka party ka la shim rai haba iadei bad ka Reservation Roster.
Ha kaba u la pynpaw halor ba ka la don ka jingong na ka liang ka sorkar ka ailad ia kino kino kiba kwah ban phah ia ki jingai jingmut sha ka Expert Committee ba la thung da ka sorkar.
Halor kane u la iathuh ba na ka liang ka party ka don ka jingsngewkhia bha ha ka la buh ruh ia kane ka mat ha ka manifesto jong ka party ha kane ka election Assembly ba dang shu dep.
U la ong ba la party ka la shong shibun bha ki jingialang haba iadei bad kane ban pyrkhad bha ia ka jingai jingmut sha ka Committee bad ka ba ym ktah iano iano ruh.
Halor kane u la pyntip ba na ka liang ka party ka la don katto katne ki jingai jingmut ban phah sha katei ka Committee ba la khlih d ka kong Ampareen Lyngdoh bad don bynta lang da ki party ba pher ba pher.
La pyntip ba ki dang don sa kato katne ki jingai jingmut kiba mih na kane ka jingialang jong ka Central Excutive Committee bad ba ka sngewdei ban dang bsuh shuh ia ki jingai jingmut, kumta na ka liang ka party shen kan sa Lah ban phah ia ka jingai sha ka sorkar bad ia ka Expert Committee.
