Shillong, Jymmang 30: U bah Brightstarwell Marbniang u ba long u MLA ka VPP na Mawlai constituency u la ong ba ka sorkar jylla ka la phah ia ka shithi sha ka party VPP ban khot iakren haba ia dei ba ka reservation policy ba ka party ka dawa ba dei ban pynthymmai noh.
Hadien kumba hynniew sngi sngi kynthih ba u bah Ardent Miller Basaiawmoit u ba long u President ka VPP ha kajuh ka por kum u MLA ka Nongkrem Constituency u la shong shah thngan halor ka nongrim ban dawa ba dei ban pynthymmai ia ka reservation policy, tad haduh ka sngi ka ba 8 jong ka jing shah thngan jong u, ka sorkar ka la phah jingthoh sha ka party ban khot iakren hqba ia dei bad ki mat ba ka party ka dawa.
U la pynpaw ba Lashai ka sngi ka 31 tarik u Jymmang 2023 ka Voice of the People’s Party kan sa leit Sha ka meting ba la khot pynlong da ka sorkar jylla ka ban sa long ha main conference hall secretariat naduh ka por 2.30 nohphai sngi.
Shuh shuh u la ong, kumba ka party hi ka la kren shai naduh kaba sdang, Lynda kim iakren ban pynthymmai ia ka reservation policy ka party kan nym treh ban ban iashimbynta,
U la ong ruh ba lashai ka sngi ka party kan sa leit Sha katei ka meting hynrei ka jingshah thngan ba ka party ka la pynlong kan dang iaid katba dang long ka jingiakren ha katei ka meting bad lada ka jingiakren ha ka tei ka meting kam long katkum ka jingkwah jong ka party Kata ban pynthymmai ia ka reservation policy ka jingshong shah kan iai bteng.
U la ong ba ka party ka sngewkmen ban pyntip ia ki paidbah ka Bru u Hynñiewtrep bad khamtam ia ki samla pule ba ka sorkar ka la khot iakren, u la ong ruh ba ka party kan iai don ha syndah jong u paidbah bad ka party ruh ka donkam ruh ka jingkyrshan ba pura jong u paitbah ba ka sorkar kan sngewthuh ia ka jingdonkam jong kane ka mat jingdawa jong ka party bad kaba la dei hi ka mat jingdawa jongnka jaitbyndriew Hynñiewtrep.
