Shillong, Jylliew o2: Ka Khasi Student Union (KSU) Langkynma Unit ka pynpaw ia ka jingsngewsih bad sngew bynniaw halor ka jingshim sting bad leh bym salia ka tnad MeECL ia ka dong ka thain Nongjri, Kulang, Nonghyllam bad Borsora.
Mynta la kumba shisnem eiei kane ka tnad kam shym la lah ban pynbiang ia ka bording ha kitei ki thaiñ bad mynta la ar bnai tam eiei wat tang shi sngi ruh kam meh satia. Kane ka jinglip light la ar bnai tam la dei ba ki don katto katne ki post light kiba la jot bad khyllem noh, hynrei ka MeECL kam shym la shim khia ban shna bad pynbha ia ki.
Na ka liang jong u Samla Pius Marwein uba dei u President jong ka Langkynma Unit ha ka kyrwoh u la pynpaw ba na ka liang jong ka seng ka pynrem jur ia kane ka jingleh third Class jong ka MeECL bad imat mynta lei lei kala long syndon ka “Meghalaya Energy Corruption Limited” namar ba wat ia ka light ka lip bad ym don ba repair, ka bill light pat ki shim thik thik, kane ka long thik kumba lute ia ka pisa jong u paidbah.
Ha kaba iadei bad kane na ka liang jong ka seng kan sa leit ia kynduh ia ki heh ophisar ka MeECL ban dawa ba dei ban shna noh mardor ia ki post lightbad ban pynpoi bording ha ka thaiñ Nongjri, Kulang, Nonghyllam bad Borsora bad kiwei kiwei de ki jaka.
Ka seng ka pynpaw ruh ba la idon kan haduh katta katta ban don noh la ka jong ka Sub-Division office jong ka MeECL ha Ranikor ban pynsuk bad pynjanai ia ka jingsam bording ha baroh kawei ka thaiñ la ong u samla Marwein.(SP News)
