Shillong, Risaw 27: Ki pulit ki kam ba u lehnoh ba la kyllon iap ha ka jingiather kuli bad ki pulit mynin ka sngi ha Gare Rindi ha South Garo Hills u lah ban dei u Area Commander jong ka seng lehnoh GNLA ia kaba la juh sin kyrteng ia u kum u Salman.
U SP jong ka South Garo Hills haba kren ha u SP News Agency u la ong ba na ka dur jong u bad ki dur bad don bad ki pulit une u ba kyllon iap ha ka jingiather kuli u la long ia syriem bha bad ki pulit ki ngiet ba u lah ban dei u area commander jong katei ka seng lehnoh.
Wat la katta ki pulitkimpat lah ban kam thikna namar mynta ki dang wat ia ki sabut ban pynshisha la u dei ne em u Salman kaba la juh sin kyrteng hapoh katei ka kynhun lehnoh. Ka jingioh kurup ia ki tiar ialeh na kane ka jaka ba la don ka jingiather kuli ka long kaba la bun bha.
Ki tiar kiba la ioh ban kurup da ki pulit ki long kawei ka HK Rifle, kawei ka AK Rifle,kawei ka SLR, kawei ka suloi siat Mortar, kawei ka Grenade Launcher, ar tylli ki Mortar Shells, u wei One Chinese Live Grenade, hynniew tylli ki Magazines,palat 160 ki kuli bad bun kiwei kiwei dei ki tiar kynthup ia ki shithi dawa pisa ka seng.
Ki pulit mynta ka miet kila ioh ban pynthikna ba u lehnoh ba ka shah siat iap u deu u Bukarstar G Momin na na ka shnong Dameaphal jong ka North Garo Hills, u dei u wei na ki ba ha khmat eh jong ka seng GNLA ia u la tip kum u Chenga bad kumu Kakal ba dang 24 snem ka rta.
