Shillong, Naitung 02: Ka Khasi Hills Autonomous District Council (KHADC) kala shna ia ki iing basa ha jingkieng Kalong kaba la pynlut jan dap phew klur tyngka ia kaba la bei na ka sorkar pdeng, ka jingkylli mynta ka long kaei kaban jia ia kitei ki iing kiba la dep ban shna namar kala shah khang noh ha ka iing bishar.
Ka jingshah khang ban dang bteng ia ka jingshna pyndep ia kitei ki iing basa ka long namar ba jan palat haruh ka Pung umiam, ia kane ka phang la ia kren hapoh ka iing dorbar mang tyngka jong ka KHADC kaba dang shu kut dang shen.
Ka jingkylli jong ki ba bun mynta ka long hato ka KHADC kan leh kumno ia kitei ki iing kiba kala dep ban shna 10 tylli ki iing sah, ar tylli ki restaurant, bad ka jaka ka long shisha kaba itynnad kaba iohi kyndiang ka jingitynnad ka pung umiang.
Ki iing basa kiba dang shudep shna namar ba khlem don nongpeit nongsumar mynta kila sdang ban jot kum ka sat kila pra, jingkhang kila prad bad katei ka jaka ka long long ka jaka ban don ki iing jah la don kiba pynsngew ba kan sa ka kylla long ka jingma lada ieh iing jah.
Ia ka surok na Mawlai sha jingkieng Kalong lamaramot da ka KHADC ha dien ba ka tnad sha surok jong ka PWD ka sorkar jylla kala ai jingbit bad ka jingbit ban maramot ia ka surok GS Road kaba rim kaba katei ka jaka kala kylla long ka jaka shangkai.
