Shillong, Nohprah 19: Mynta ka sngi katba ka jingiakren hapoh ka iing dorbar thawain ka jylla ka dang iaid sha khmat ban shim ia ka rai ban pyntrei kam ia ka Inner Line Permit, Bengal Eastern Frontier regulation 1873 ki paidbah da ki hajar kila ia lum ha IGP ban ap ia ka khubor aiu ka iing dorbar kan leh halor kane ka jingdawa jong ki paidbah.
Ha kane ka sngi ki paidbah na kylleng jong ka sor Shillong kila ia poi sha kane ka jaka ban ap ia ka jingmih naka jingiakren hapoh ka iing dorbar la ka iing dorbar kan pdiang ne em ia ka jingpyntrei kam ia ka ILP ha kane ka jylla kumba la dawa.
Na ka liang jong ki seng bhalang kiba don ha kane ka jaka kila ai ia ki jingkren ka jong ki sha ki paidbah katba ka iing dorbar ka dang iaid sha khmat bad ha dienb a ka iing dorbar kala shim ia ka rai ban pyntrei kam ia ka ILP ha kane ka jylla kala wanrah ia ka jingkmen ha ki paidbah.
