Shillong, Jylliew 26: Ha dien ba la wai ka dorbar Jong ka Khasi Hill Automuos District Council mynta ka sngi ki nongthoh khubor ki la leit ban ia kynduh ia u bah Ardent M Basaiawmoit CEM Ka KHADC ban ia kren bad u halor ka jingmih jyndat ki liang pyrshah khlem pat da kut ka Dorbar.
Haba la kylli ia u bah Ardent kumno phi sngew halor ka jingkynnoh jong liang pyrshah ba u chairman u la leh jubor, hynrei u bah Ardent u la jubab da kaba ong ba kat kum ka rules 42 ban pyniaid ha ia ka dorbar la ha District Council ne ha Lagislatve Assembly ka bor ka shong ha u chairman namar u dei u ba pyniaid ia ka dorbar baroh ka wei.
Ha kaba ia dei bad ka ne ka bill jong ka hIma Bhowal u la ong ia ka ne la dep ban ia tai ruh ha ka 24 tarik mynta u bnai hynrei la pynsahteng noh shwa bad la rai ban wanrah mynta ka sngi, bad ban kynnoh ia ka EC ba ka don kaei ka ei sha lyndet ka long ka bym dei.
U la ong biang ba kane ka ei kaei baroh ka jia namar ka ktah ia u para jong u bah PN syiem, balei ia ki wei ki wei ki hima um shym la ong ei ei hynrei tang ia kata ka hima bhowal ki wei kiwei ki hima ruh ki don kam ban iakren hynrei balei u kren tang ia ka hima Bhowal bad balei ym pyrshah ia ki wei ia ki wei pat ki hima.
Lada kwah ban ia kren sei ha ka 1 tarik ryngkat ki kot ki sla ki ba biang namar ngim kwah shu ia leh shit khlieh, bad u la ong ruh ia u bah PN syiem ba kat u nongialam ba la rangbah I da kdew kti khamtam eh ia u chairman kane kam long kaba sngew tynnad.(SP News)
