Shillong, Jylliew 10: Mynta ka sngi ki briew kiba ym lah ban tip kila kawang petrol bomb ia kawei ka kali Bolero kaba don ia u registration AS-01-FC-9068 kaba dei jong ka M/s Writer Safeguard Company Private Limited kaba juh leit ban thep pisa ha ki ATM jong ka State Bank of India (SBI).
Kane ka jingjia kala jia ha 4th Mile, Upper Shillong. Ha kane ka jingshah kawang petrol bomb kane ka kali kala duh katto katne ki bynta, hynrei kam shym don pat kano kano ka jingjia ba sngewsih. Na ka liang jong ki pulit kila pynlong ia ka jingtohkit ban thwet ia ki nongleh kam sniew.