Shillong, Jymmang 10: Ka Hynniewtrep Youth Council (HYC) sengkmie hapoh ka jingialam u President ba rangbah u bah Roykupar Synrem mynta ka sngi ka 10 tarik u Jymmang 2024 ki la leit ban jurip ia ka parking lot jong ka MUDA ha dien ba ka la iohi ka jingjyllei ki nongdih bad khaii ia u Drug ha poh ka jylla ka ba lah ruh ban buh ha ka jingma ia ki paidbah ki ba iaid ba ieng na kane ka jaka.
Ha kane ka jingleit ban jurip na ka liang ka HYC ka la ioh ban bat ha duh 21 ngut ki samla shynrang bad 4 ngut ki samla kynthei ki ba la kyrni ha ka jingdih ia u Drug.
Ha kane ka jingleit jurip na ka liang ka seng ka la lap ruh ia u jingdih pynbuaid u Kynja bad ki thyrnia inject drug. Ka HYC ha dein ba ka la ioh ban kurup ia u drug bad u kynja na kaliang ka seng ha kane ka juh ka sngi ki la thang noh ia u Drug bad u Kynja ha kane ka juh ka jaka.
Ka jingjyllei jong ki nong dih bad ki nongkhaii ia u drug ha ka Jylla ka la long shaba palat liam ha ka ba ka la wanruh ia ka jingshong syier jong ki paidbah ha ka jylla ha ka ba lah ban sa khie ia ka jing jyllei ki nongtuh bad ka jingshah dawa pisa jong ki briew ha ka ba ka lah ruh ban wna rah ia ka jingbymshngain ha ka iaid ka ieng jong ki paidbah bad ka lah ruh ban ktah ia ka shong suk shongsain ha ka Jylla.
