Shillong, Naiwieng 02: Ki shipai BSF bad ki pulit na East Khasi Hills District kila ioh ban kem ar4 ngut ki khar Bangladesh bad u wei u nongniah kali ba dei nong India na khappud Bangladesh katba dang rung besain sha India ha thian Pynursla.
Ha ka jingiatreilang ki pulit bad ki BSF ha ka 1/11/2024 kila ioh ban kem arngut ki khar Bangladesh kiba la rung sha India bad halor kane kila pyntip mardor sha ki pulit jong ka Pynursla ba kala don ka kali kaba kit ia ki khar Bangladesh.
Ha kane ka jingkhynra kila lap ia ka kali Wagon R kaba don ia u number ML-05AC-1946 ha surok bah NH-6 harum Pynursla, ki pulit kila kem ia ki ar ngut ki khar Bangladesh bad ia u nong India ba niah ia ka kali bala suba dei u nongwan ialam.
Ki shipai BSF bad ki pulit kila kurup ia ka kali, kane ka jingiatreilang ka long ban iada na ka jingwan rungtuh ki khar Bangladesh sha India, ia kine ki khar Bangladesh la aiti sha ki pulit ban leh ia kaba don kam bad kum juh ia ka kali ruh la bat ki pulit.
