Shillong, Lber 15: Ki shipai BSF mynta ka sngi kila ioh ban kem lai ngut ki nong India na khappud bad ka Bangladesh ha Rongdu kaba don ha South West Khasi Hills District jan Ranikor bad na kine ki lai ngut la ioh ban kurup T.20 lak tyngka ka pisa India.
Kine ki lai ngut kiba la shah kem la tip kyrteng kum u Smith Ch. Sangma 22 snem, U Purno R. Marak 24 snem bad u Amiston T Sangma u ba niah ia ka bike ba kit ia kane ka briew baroh ki dei na ka thian Ranikor jong ka South West Khasi Hills District jong ka jylla Meghalaya.
U Amiston T Sangma u de ba kit ia kane ki brie ar ngut ban leit na Gumaghat sha Rongdu bad ka bike kaba don ia u number ML-06-4839 Bajaj discover. Ki BSF kila ioh ban kurup T. 20,00,000/- ryngkat saw tylli ki mobile ba kine ki briew.
Haka jingphla ha ki BSF kila iathuh ba ia kane ka pisa la wan shim na Shillong bad ha Shillong kila sah ha kawei ka hotel ha Police Bazar, hynrei ia ka pisa mano ba ai kim pat phla bad kaei ka jingthmu ban rah katne ka pisa ruh kim pat iathuh ei ei la ong ki BSF.
Na ka liang jong ki BSF ki don ka jingsuba kane ka pisa ka lah ban dei ha kaba pyndon kam khaii beain ia u jingdih ‘yaba’ ba wan na shilliang u pud jong ka ri Bangladesh. Na ka liang jong ki BSF kila pynlong ia ka jingpeitngor kaba kyrpang na ka daw jong ka P ilekshon. Ia kine kiba la shah kem la aiti sha ki bor jong ka ain ban leh ia kaba don kam.
