Shillong, Naitung 24: Ka KSU Jaiñtia Hills District Unit hapoh ka jingialam Jong u Albinus Lamurong General Secretary bad Samla Leningrad Tariang lem bad kiwei ki la leit iakynduh ïa u DC WJHD , u Bah R. Rapthap halor ka jingshahkem u Waheh Shnong Jong ka Mowluber ha ki Pulit Assam kaba don ha khappud Jong ka jylla.
Kat Kum ka khubor ba la ioh lum ba ka daw ba u shah Kem ka dei na ka jingshah Jong ka Mowluber ban tei ia ka skul pule SSA ha Katei ka shnong kaba la iaid la katto katne por mynta . Kane ka skul ka long kaba la ai jingbit ban tei Da ka sorkar Meghalaya hadien bun tylli ki snem ka jingthrang Jong ka Seng bad ruh ki Paidbah .
Ha Kane ka jingiakynduh , ka Seng ka buh ka jingdawa na ka sorkar ban tuklar halor Kane Kam ban pyllait mardor khlem buh kyndon namar ka jingpynroi ha kitei ki jaka ba don ka jingiakam mar kylliang ha kaba kala don ka jingiakren hapdeng jong ki ar tylli ki sorkar ka Assam bad Meghalaya ba ki kam pynroi ki lah ban wan na baroh arliang ki jylla kat Kum ki jingiakut naduh ki DC ha ki sorkar barim .
Te na ka Liang u DC WJHD , u kubur ba ka don ka jingeh ban pynbeit ia kine ki kynrum kynram naduh mynshwa bad ka shong ha ka sorkar jylla ban tem ia Kum kine kiba wan Jia na ka por Sha ka por .Ka Seng bad ki Paidbah ki lyngngoh ba wat ha ka por ba thmu shna ktem Pulit Assam hapoh shnong Khadkasla , ki Pulit Meghalaya Kim leh eiei kaba ai jingshgaiñ kaba paka ia ki Paidbah na ki por Sha ki por .
Ha ka por janmiet , la ioh jingtip ba utei u Waheh shnong u la lait na ka kti ki Pulit Assam ba la rah ia u sha ka Mukoiloom Police Outpost jong ka jylla Assam.Wat la katta Ruh , na ka Liang u Genl Secy ka KSU JHDU u iai ban jur ia ki bor sorkar ba Ki dei ban shim khia ia kum kine ki Kam khnang ba Kan don ka suk ka Sain bad ban iaid beit ki kam pynroi ha kitei ki thaiñ. Kane ka long ka jingpyllait khubor na I samla Laitphar Syngkrem , Publicity Secretary KSU JHDU .
