Shillong, Rymphang 25: Ki pulit jong ka Jowai Police station kila ioh ban kem ia u Bah F Bthuh bad ha dien ba la kem ia u la shem ba u dei u nongtrei jong ka Jaintia Hills Autonomous District Council, ka jingkem jong ki pulit ka long ba ki don ka jingsuba ba u don kti ha ki kam khaii drugs.
Haba kren ha u SP News Agency na ka liang jong u SP ka West Jaintia Hills District u la ong ba ka dei ka jingshisha ba kila kem ia u Bah Bthuh bad kila lap ia u Drugs na ka met jong u. Ki pulit kila bud dien la katto katne por ia u ne samla shuwa ba kin kem.
La ong ba na ka liang jong ki pulit kila pynpyrkhing bha ban peit bniah ia kane ka jingiakhaii Drugs hapoh jong ka sor Jowai namar kumba ka long mynta wat la ka dei ka jaka kaba rit hynrei ka jyllei bha ia kane kam khaii drugs.
