Tura, Jylliew 16: Ki pulit jong ka jylla Meghalaya bad ki pulit jong ka Bangaluru mynta ka sngi kila ioh ban kem ia u Vice Chairman jong ka seng lehnoh Garo National Liberation Army (GNLA) na ka tei ka nongbah ia u la kem na ka iing sah jong u. Ia u la kwah ban kem da ki pulit jong ka jylla Meghalaya ha ki ba bun bah ki mukotduma.
U Inspector General jong ki Police (Operations), G.H.P Raju u la ong ba ki pulit jong ka jylla kila ioh ia kane ka jingtip ba u tei u nongialam jong ka seng GNLA u don ha Bangalore. Na u la ioh shibun ki sim Cards bad ki ATM Cards bad shibun ki kot ki sla na ka iing kaba u shong.
U Raju u la ong ba ha kine ki lai bnai kiba la dep u la don ha katei ka nongbah bad u la im ka jingim kaba pahuh baphai bad ia ka pisa u la sei da ki ATM, la ong u ba don ha katei ka jaka bad ka lok bad ar ngut ki khun jong u. Na ka liang jong ki pulit kin sa wan rah ia u sha Shillong.
U Marak u la ia khun ia ka MLA Election ha u snem 2013 hynrei u la rem noh bad ha dien kata namar ka jingstad ka jong u la khot ia u sha ka seng lehnoh. Ha ka jingtohkit la ong ba u la rung sha kane ka seng lehnoh ka long ban pynmih ia ka pisa kaba u la pynlut ha ka por elelction kaba u la ialeh na Rongjeng constituency na ka seng Samajwadi party.(SP News)
