Shillong, Risaw 14: Mynta ka sngi ha ka por 7.50 baje mynstep ki pulit kila isuba ia ka iaid ka ieng jong kawei ka kali tourist kaba don ia u number ML-10B-1506 bad halor kane ka jingisuba kila bat ia ka ha jingkeng Umshyrpi.
Ha kane ka jingbat ia kane ka kali kaba la niah da u Salni Singh bad na kane ka kali, ki pulit kila ioh ban kurup hynriewphew hynniew tylli ki kot bala khylliap bad kine baroh la suba ba ki dei ki herion bad ka jingkhia ki long 3.78 gm.
Na kine ki briew la kurup ruh T.3,180 tyngka, la kem lang ruh ia u Ajay Baruah bad ia u Gautam Dey bad ia u nongniah kane ka kali bad ka jingtohkit ka dang iaid sha khmat, ong ki pulit.
