Kem ki snar nongkhaii drok lai ngut ki pulit ka Ri Bhoi na Lumkeni shong dor san klur

Shillong, Naitung 01: Da ka jingpyndon kam ia ki ksew bala tip kum ka kynhun K9 ki pulit jong ka Ri Bhoi District mynta ka sngi kila ioh ban kem ia ki lai ngut ki snar nongkhaii drok na Lumkeni.

Ki pulit ha dien ba kila ioh ia ka jingtip kaba bniah kila pynlong ia ka jingkhynra ban thwet ia ki nongkhaii ha kane ka jingthwet la ioh ban bat ia kawei ka kali Alto kaba don ia u number ML05-K-0314 bad na kane ka kali la ioh ban kurup ia u drok ba shongdor haduh T.5 klur tyngka.

Ki pulit ki iohi ba kane ka jingtur iap jong ki nongkhaii drok ka long ban pynjot ia ka imlang sah lang da kaba pyniaid ia ki drok, na ka liang jong ki pulit ha ka jingtrei shitom jong ki la ioh ban kem ia ki nongkhaii bad ka jingtohkit ka dang iaid ban lap shuh shuh ia kiba don kti.