Shillong, Jymmang 08: Kala don kawei ka jingjia ba sngewsih ha kaba kawei ka long kmie ia kaba la tip kyrteng kum ka G. Momin kaba la 41 snem ka rta kala duh ei iala ka jong ka jingim na ka daw jong ka jingpom u pyrthad ia ka iing jong ka bad kane ka long kmie kala khlad hapoh iing ba ka sah.
Kane ka jingjia ba sngewsih kala jia hapoh jong ka shnong New-Model Village hapoh jong ka North Garo Hills District kaba hap hapoh jong ka Bajengdoba Police station. Kane ka jingjia kala jia ha ka sngi u blei jan miet.
U Superintended jong ki pulit jong ka North Garo Hills District haba kren ha u SP News Agency u la ong ba u la ioh ia kane ka jingtip mynta ka sngi jan miet namar kane ka shnong ka long nongkyndong bad kane ka shnong ka hap hapoh jong ka Bajengdoba Police station. Kane ka long kmie ka trei ruh kum ka Asha hapoh jong ka shnong.
