Shillong, Jylliew 17: U Superintendent ki pulit jong ka Ri Bhoi District, U Ramesh Singh u la iathuh ba ha ka jingtwa khyndew kaba la jia mynta ka sngi ha Tharia, ka don ha Industrial area ha Umiam, ha kane ka jingjia lai ngut ki briew kila khlad bar ar ngut kiwei pat ki dang jah.
Kane ka jingtwa khyndew ka la jia na ka daw jong ka jingjur palat jong u slap ha kine ki 24 kynta kiba la leit, la ong ba kane ka jingtwa khyndew ka dei ha ka jaka jong ka Meghalaya Industrial Development Corporation (MIDC) kaba don ha katei ka jaka hapoh jong ka Industrial Estate.
U Deputy Commissioner jong ka Ri Bhoi District, haba kren ha u SP News Agency, u la ong ba u dang ap ban ioh ia ka kaiphot ha kaba ia dei bad kane ka jingjia ba sngewsih. Kiwei pat ki lad khubor kiba la lah ban ioh la ong ba kine ki briew kiba la khlad ha kane ka jingshah tap khyndew ki dei kiba trei ha katei ka jaka ba don ki karkhana ha Umiam.
