Guwahati, Jylliew 28: U nongseng ia ka seng lehnoh National Socialist Council of Nagaland (NSCN),u Issac Chisi Swu, u la khlad noh mynta ka sngi ha nongbah New Delhi hapoh jong ka hospital Fortis hospital ha ka por kumba 12.40 nohj phai sngi mynta ka sngi.
U Swu, u la long u wei na ki lai ngut ki nongseng ia kane ka seng lehnoh Nationalist Socialist Council of Nagaland ryngkat bad u Thuingaleng Muivah u S S Khaplang. U Swu u la shah sumar ha katei ka hospital na ka jingpang kaba u don ha u khyllai.
U Isak Chisi Swu, ryngkat bad u Thuingaleng Muivah kiba la ialam ia ka NSCN-(IM) kila ia don ha ka jingiakren ia suk bad ka sorkar pdeng ha u snem 1997. Ia kane ka jingiakren ia suk la ia sain ha nongbah Delhi bad u myntri rangbah duh jong ka Ri u Narendra Modi.However, ia kane ka jingiasoi ia suk kam pat shai haduh kine ki sngi.
Da ka jingkhalad noh jong u Swu, u Thuingaleng Muivah mynta u la long tang ma u ba ha khlieh duh jong kane ka seng lehnoh na ka jylla Nagaland, u S S Khaplang, u ba la mihnoh na ka NSCN (IM) u la seng noh ia ka NSCN (K) kaba dang don ha duh mynta ha ka Ri Mayanmar bad une ruh um da don ia ka met kaba shait ba khlain.
Kane ka kynhun seng lehnoh kaba la wan sha ka miej jingiakren ia suk kala buh ia ka jaka trei kam ka jong ka ha Hebron hapoh Dimapur, Nagaland. Kane ka kynhun ia ialeh ban ioh ia la ka jong ka jylla Nagalim ki jaka ba bun ki Naga, kum ha ka jylla Assam, Manipur bad Arunachal Pradesh.
Ka NSCN (IM) kajuh rakhe ia ka jinglaitluid jong ka ha ka 14 tarik u Nailar jong man u snem shuwa ka sngi ba ka Ri India kan rakhe ia ka jinglaitluid, kine ki lain gut ki nongialam jong ka seng lehnoh ki juh dawa ban ioh ia la ri Nagalim. U tei u nongialam ka seng lehnoh u la pyndep ia ka jingpule na kane ka nongbah Shillong.
