Shillong, Lber 13: Mynta ka sngi ka jylla Meghalaya kala duh noh sa u wei u nongalam jong ka jylla ha kaba u bah Rowell Lyngdoh 86 snem ka rta symbut myntri rangbah ka jylla u la khlad noh ha dien ba ka jingpang kala bat katto katne por ia u.
U Bah Rowell Lyngdoh u la job bun sien kum u MLA na ka Mawkyrwat Konstitwensi bad dei ha ka por jinglong nongmih khmat jong u ba la lah ban pynioh ia ka South West Khasi Hills District.
U bah Rowell la jop nyngkong ia ka MLA ilkeshon ha u snem 1972 bad la jop lynter haduh u snem 1983, bad ha u snem 1988 u la shah rem noh bad u la jop biang ha u snem 1993, u la rem biang ha snem 1998 bad u la jop biang ha u snem 2008 haduh 2013, u la long MLA hynriew sien lynter na katei ka jaka.
Ha kine ki snem jong ka jinglong MLA, u bah Rowell Lyngdoh u la long u myntri sorkar bad la bat ki tnad sorkar bapher bapher bad u la long ruh u symbut myntri rangbah ka jylla bad ka jingioh ia ka South West Khasi Hills District dei ha ka por ba u long MLA ka jong u.
U Myntri Rangbah ka jylla U Conrad K Sangma u phah ia ka jingsngewlem sha kiba ha iing ha sem halor kane ka jingkhlad noh jong u Bah Rowell Lyngdoh Symbut Myntri Rangbah ba rom ka jylla bad la pynkynmaw ba ha ka por ba dang long dkhot jong ka party u la noh syniang shibun ki jingai jigmut duwai ba to u blei un ai ka jingjahthait bymjuh kut.