Shillong, Iaiong 24: U Bah Sholander Syiem, ia u bala juh khot ieit u Dr WS Syiem u ba ai dawai kahsi ha syndah jong ka YMCA Mawkhar u la khlad noh ha ka meit sngi nyngkong hapoh hospital ha Guwahati ha dien ka jingpang kaba la bat ia u khyndait por.
Ia ka met jong u la pynkit sha shnong ha Umyiap bad ka jingleit on tep kan long ha u lum jingtep jong ka Balang Presbyterian Umyiap. U Dr WS Syiem u bat ruh kum u nongai buid jong ka Seng Nongsumar Dawai Khasi Nylla (SNDKN). Kane ka long katkum ka jingphah khubor u Dr H Bani.
Na ka liang jong ka seng ka pynpaw ia ka jingsngewsih kaba khraw halor ka jingkhlad noh ka jong u tei u rangbah u ba la long u wei na ki nongkyrshan ba ratbah jong ka seng .