Shillong, Naitung 16: Ka myntri ba dei peit ia ka tand social welfare ka Debora Marak kala ong ba ka Meghalaya Urban Development Agency (MUDA) kaba pyniaid ia ki bus JNURM kam shym la burom ia ka jingbthah jong ka tand Social Welfare.
Haba kren ha u SP News Agency, ka myntri kala ong ba kala dep bthah ia ka MUDA ba ka dei ban buh kyrpang ia ki jaka shong hapoh jong ki Bus JNURM na ka bynta kiba don ka jingduna ha ki dkhot met hynrei kane ka Agency kam shym la sngap ia kane ka jingbthah jong kane ka tand sorkar.
Haba kala kylli na ka seng Synroplang Sefl Help Group kaba pyniaid ia ki BUS JNURM ba balei kim shym la buh kyrpang ia ki jaka shnong ha ki bus na ka bynta kiba don ka jingduna ha ki dkhot met katei ka seng kala ai ia ka jubab ba ka MUDA kam shym ai jingthoh ei ei sha ki.
Ka myntri kala ong ba kala bthah ia ka department ba kan thoh biang sha ka MUDA ba ka dei ban bthah mardor ia kane ka jingbuh jaka kyrpang na ka bynta kiba duna ha ki dkhot met ha ki bus jong ka sorkar JNURM.(SP News)