Shillong, Naiwieng 27: Ki nong dei madan ha saw dong jong ka Mawphran kiba la shah kyndang ha kine ki sngi bat wat mynta ka sngi u blei ruh kila kdew kti ia ka jingleh shiliang khmat jong ka sorkar ha kaba pyntrei kam ia ka rai jong ka iing bisahr ba don burom.
Ki nongdie madan ki kdew kti ba ka don ka dukan ba la shan da ki tin ha surok ha Motphran ha khmat jong ka Assam Motor ia kaba la teh ia kane ka jaka die jingbam da ki kynjri ha ki jingker jong ka municipal ban nym don ba lah ban rah.
Mynta ka sngi ki pulit bad ki magistrate kiba iaid lang ryngkat bad ki myntri jong ka Hima Mylliem kila iohi da la ki jong ki khmat ia kane ka jaka die jingbam kaba khang mynta ka sngi, hynrei kim shym la leh ei ei ban rah ia ka na ka jaka ba ka don.
Mynta ka sngi ka jingkyndang ia baroh ki nongdie madan ha ki lynti iaid kjat jong ka municipal kaba don sawdong jong ka iewduh la kyndang lang ha ka jingiadon lang ki myntri jong ka hima mylliem bad wat ia ki nongdie doh syiar kiba don ha Motphran ruh la kyndang mynta ka sngi.
