Shillong, Kyllalyngkot 14: Ka Federation of Khasi Jaintia bad Garo People (FKJGP) Sengkmie hapoh ka jingialam jong u President Bah Dundee Khongsit ha ka 14 tarik Kyllalyngkot 2025, ki la leit iakynduh ia ka Additional Director jong ka Health Services ka Civil Hospital halor ka jingioh jingujor na ki Paidbah haba iadei bad ka jingduna jong ki tiar sumar hapoh kane ka hospital.
Haba kren sha ki lad pathai khubor na ka liang u President jong ka FKJGP u Bah Dundee Khongsit u la iathuh ba na ka liang ka Seng ka leit iakynduh ia ka Medical Superintendent Additional Director health services jong ka Civik hospital ka Dr A Kharjan ban pan jing pynshai halor ka jingujor ba ioh na ki paidbah ba shah sumar ha kane ka hospital sorkar.
U Bah Dundee u la iathuh ba na ka liang ki bor pyniaid ka ne ka Hospital ki la pyntip sha ka sorkar ba ki tiar ba sumar ia ki Nongpang kum ka machine MRI ki khlem treikam shuh la kumba hynriew snem eiei hynrei na ka liang ka sorkar kam patiew eiei. kane ka jingsniew ki tiar ka la buh jingeh kaba khraw ia ki Paidbah Nongshong shnong kham tam ki paidbah kiba wan shah sumar kiba wan na ki longïing kiba kham duna ia ioh ka kot.
Na ka liang ka Seng ka la pynsngew sha ka medical superintendent balei ka sychology test kam don hangne na ka liang i Medical Superintendent I ong ka don na ka daw ka jingshah tranfer noh jong ki nongtrei sha kawei ka Hospital haduh mynta ka sorkar kam shim la wanrah da kiwei pat ha kane ka hospital kane ruh ka dei ka test kaba khamrem kaba ki Paidbah ki iakynduh shibun ki jingeh lada wan sumar ha kane ka hospital lada kim ioh ban test ha kane ka hospital.
Shuh shuh na ka liang u President u la bynrap ki don shibun ki complain box hynrei ka Seng ka hap wan pysngew ia ki jingeh jong ki Paidbah, na ka liang ka Medical Superintendent ka ong ba duna palat ki nongtrei ym lah ban leit shim lada ki don ki jingujor na ki paidbah.
ka Seng FKJGP ka pynpaw ia ka jingsngew diaw namar ka jingsumar ka dei ka hok jong man la ki Nongshong shnong jong ka Jylla bad ka koit ka khiah ka dei kaba hakhmat duh kaba man la ki longïing ki paradoh para snam ki donkam bad na ka liang ka Seng ka kyntu ia ka sorkar ba ka dei ban phai khmat shwa sha ka koit ka khiah nyngkong bad sa peit ia kiwei hadien. kane ka ktah shisha khamtam ia ki longïing kiba duna ka ioh ka kot .
Na ka liang ka Seng ka phah ia kane ka khubor sha ka sorkar ba kan pynbiang ia ki jingduna baroh kiba duna ha kane ka hospital kiba ki Paidbah ki wan sumar shah sumar ha kane ka hospital.
U Bah Khraw kupar Nongsiej Chief Organising Secretary u la ong hadien ka jingwan kynduh bad ki Paidbah ba shah sumar ha kane ka jaka ki shem shitom haba iadei bad ka dawai na shabar bad khamtam kaba sngew shitom ki dei ki briew kiba na nongkyndong kiba duna ia ka pisa ki hap leit leh ia ki test sha kiwei ki hospital
Ka Civil Hospital ka dei ban shimkhia ban pynbiang ia ki nongtrei bad ban thoh sha sorkar ban pynbiang ia kita ki jingdonkam bad ban leh ia kita ki test ,ki machine MRI naduh 2018 kam shim ka treikam bad i Additional Director i dei ban thoh sha ka sorkar ban ioh ia ki machine ban leh ia ki test khnang ban pynsuk ia kiba wan sumar khamtam na nongkyndong ba shah sumar ha kane ka hospital.
