Shillong, Nohprah 10: Ki paidbah jong ki hynniew tylli ki MDC Constituency kin sa jied ia ki nongmih khmat sha ki ar tylli ki iing dorbar jong ki District Council ha ka 13 tarik mynta u bnai, kawei kan long sha ka JHADC bad hynriew tylli sha ka KHADC.
Ha kin ear taiew jong ka jingialang election kaba kham khluid eh ka long hapoh ki ar tylli ki Konstitwensi ka Nongkrem bad ka Nongspung- Sohiong Konstitwensi, katba kiwei kiwei ki konstitwnsi ki long jai jai kumba juh long.
Ha kine ki jingialap elelction na ka liang jong ki kyrtong bad ki party ruh kum juh kila ia leh katba lah ban khring ia ki paidbah ba kin ai ka jingkyrshan ia u briew ne ka briew kaba ki la pynieng ba kin poi sha ka thong jong ka jingjop ba kin dup lah ban trei ia kaei kaba kila kular.
Na ka liang jong ki bor sorkar ruh kila pynbiang ia ki lad jingiada baroh ban peit ba ka election ban jied ia ki MDC ha ka 13 tarik mynta u bnai kan long kaba iaid beit bad kaba lait na ki jingklumar.
