Shillong, Jylliew 25: Ka Ramakrishana Mission Shillong kala khot ia ki khynnah skul bad college ba kin ai kyrteng da don kiba kwah ban ia shim bynta ha ka jingiakop dor dur, jingkyntip bad ka jingiatyrko ha kaba kin sdang ia kitei baroh naduh ka shitarik u Naitung.
Ia kine ki jingiakop baroh yn pynlong ha ka sngi saitjian bad ka sngi u blei bad ia kine ki jingiakop yn pynkut ha ka 30 tarik jong u Naitung. Kane ka jingiakop kaba mynta kala kot sha kaba 43th ia kaba la tip kum ka Cultural Competition. Ia ki khusnam yn sam ha ka 5 tarik Nailar.
