Jowai, Naiwieng 09: Ka jingialang ba kyrkieh jong ki nonghikai SSA kiba don hapoh u pud u sam ka East Jaintia Hills bad West Jaintia Hills District kan long ha ka 12 tarik mynta u bnai hapoh Yungwalieh Hall Panaliar Jowai ha kapor 10 shiteng mynstep.
Ha katei ka jingialang yn sa iakren halor ka hukum ba la pynmih da ka Sorkar Jylla lyngba u bah D. P. Wahlang State Mission Director SSA-SEMAM uba long ruh u Commissioner Secretary ka tnat pule puthi katkum ka order No. MEGH/SSASMAM/FIN/19/2009/118 dated Shillong, the31st October kaba la pynbynta ha ki ar bynta ia ka tulop thymmai ki nonghikai SSA ki trained bad untrained , yn sa iakren ruh ia kiwei kiwei ki kam kiba dei bad ka iap ka im jong ki nonghikai SSA.
Ki nongialam ka Meghalaya SSA Schools Association (MSSASA) Central Body kiba kynthup ia u bah Aristotle C. Rymbai President bad u bah H.M. Marbaniang General Secretary bad kiwei kiwei ki nongkitkam ka Central Body kin iadonlang ha katei ka jongialang ha katei ka sngi. Kumta ngi kyrpad ia baroh ki nonghikai SSA ban wan khlempep ha katei ka sngi pynkut u kyrwoh na u bah Kyllimot Lhuid General Secretary Meghalaya SSA Schools Association (MSSASA) Jaintia Hills District Unit.
