Shillong, Jylliew 06: Ki nonghikai 4th Teachers kiba hikai ha ki skul SSA Upper Primary ha ka jylla kiba don ha duh 1521 tylli kila khot ban pynlong ia ka jingialang kaba kyrkieh ka jong ki ha ka 10 tarik mynta u bnai ha Khasi National Dorbar Hall Mawkhar Shillong ha ka por 11 baje mynstep.
U Bah H. M. Marbaniang, Chairman Meghalaya SSA Schools Association (MSSASA) 4th Teachers Committee u la ong ba la khot ia kane ka jingialang halor ka rai jong ka MUA-II Government hapoh jong ka cabinet ba la pynkiew da 100 percent ia ka tulop ka jong ki.
Katkum katei ka rai jong ka cabinet kan trei kam naduh u bnai Kyllalengkot mynta u snem 2017 bad ia ka tulop jong ki yn phah lyngba jong ka Directorate of School Education and Literacy (DSEL) jong ka sorkar jylla. Ia kane ka phang kin sa ia kren ha jingialang kaban long ha katei ka sngi. La kyrpad ia baroh ki nonghikai ba kin ia poi ha katei ka sngi.
