Shillong, December 29: Kumba kala paw na ki jinghia ha kine ki sngi ha kaba ia dei bad ki kam awaria halor ka jingjia ia ki khynnah kiba dang rit ka rta ha kane ka nongbah Shillong ha kaba la kynnoh ba wat ki nongmih khmat paidbah ruh ki ia don kti lang.
Kitei ki ar tylli ki seng bhalang kila khot la wer ia baroh ki riew paidbah bad ki riew shimet kiba don ia ka jingsngewkhia halor kine ki kam saitmet kiba la ktah mat iong ia ka imlang sa lang ba kin ia poi sha ka jingialang paidbah kaban long ha ka 3 tarik bnai Kyllalengkot 2017 ha Bethany Society, Laitumkhrah, Shillong ha ka por ar baje noh phai sngi.
Ha kane ka jingialang paidbah kin ia mir jingmut kumba ban leh ia kane ka kam ban pynthikna ba kito kiba don kti ha kum kine ki kam pohjaid ki dei ban shah pynshitom katkum ka ain. Kino kino kiba kwah ban ioh jingtip bad ban ia shim bynta kilah ban phone ha une u number 9863097754.
