Shillong, Naitung 26: Mynta ka sngi u symbut president ka kynhun Shillong All Faith Forum (SAFF) u Nababrata Bhattacharjee u la leit ban ia kynduh ia u Lat jong ka jylla u Phagu Chauhan ha Raj Bhavan Shillong ban khot ia u lat ka jylla ban long u kongsan ha ka jingrakhe ia ka jingdap lai snem ka kynhun.
Kane ka jingrakhe ia ka jingdap lai snem kum ka kynhun SAFF kan long ha ka 10th Nailar 2023, ka jingthmu jong kane ka kynhun ka long ban wan rah ia ka jingiasngew jan kum shipara hapdeng baroh ki jaidbriew, kiba don hala ka jong ka jong ka jingngeit.
Ha kane ka juh ka sngi u shongknor jong ka Meghalaya Public Service Commission u bah P.R. Marwein bad ka kynhun kila leit ban kynduh ia u Lat ka jylla bad ha kane ka jingiakynduh la batai ia ka jingtreikam ka MPSC bad la ai ruh ia ka kaiphot jong u snem 2022-2023.
