Shillong, Iaiong 05: Ka seng lehnoh Hynniewtrep National Liberation Council (HNLC) kala khot ia ka pakhang shnong kaba 12 kynta ha ka sngi thep vote ban jied ia ki MP sha ka iing dorbar parliament jong ka Ri India.
Ha ka jingpynlait khubor u publicity secretary katei ka seng lehnoh u Bah Sainkupar Nongtraw u la ong ba ka seng kala khot ia kane ka pakhang shnong naduh ka por 5 baje mynstep haduh ka por 5 baje jan miet ha ka 9 tarik mynta u bnai ka sngi thep vote. La ong ba ia kane ka rai la shim ha ka CEC ka tand political Department jong katei ka seng.
Ha ka jingpynlait khubor jong u Bah Nongtraw la ong ba ki don bun bah kid aw ba balei kane ka seng ka khot ia kane ka pakhang shnong ha katei ka sngi. La ong ba wat la ka Ri India kala ioh ia ka jinglait luid mynta la 67 snem hynrei hynrei ka dang sah kumba ka long mynta kumba long ki mraw la kynnoh.
Ka seng HNLC kala kynnoh ba ka sorkar India kala pynsoi jubor ia ka instrument of accession bad Anexed agreement 1948 da kaba pynap suloi khlem da ioh ia ka jingmynjur jong ki dorbar hima bad ki syiem.
Ka seng HNLC ka kynnoh ba dei ha kane ka por elelction ba ki heh spah ki bei tyngka ia ki politician ba kinthied ia ka vote ka jong ki paid bad dei na kane ka daw ba ka jingduk jingkyrduh ka ban ia ki briew ha kaba ki briew kane ka jylla ki shem jingeh ban ioh ja ar sien shi sngi.
Dei halor bun kiei kiei kiba ka seng HNLC kala shim ia kane ka rai ban khot ia ka pakhang shnong ha ka 9 tarik mynta u bnai ha ka sngi ba ka jylla kan jied ia ki MP sha ka iing dorbar jong ka Ri India, kane ka long katkum ka khubor kaba la pynlait da u Bah Sainkupar Nongtraw publicity secretary jong ka seng HNLC.(SP News)
