Shillong, Kyllalyngkot 15: Ka Synjuk Ki Rangbah Kur Ka Bri U Hynñiewtrep ha ka 15 tarik Kyllalyngkot 2025 ki la wan ha Shillong Press Club ban khot ban wer ia ki paitbah ka ri Khasi-Jaintia ban wan sha ka Dorbar Iktiar Paitbah ba la khot pynlong da ka KHADC ha ka 16 tarik Kyllalyngkot 2025 ha madan Polo Shillong
U bah Bah Erwin K Sutnga u ba long u Working President u la ba kane ka dorbar ka dei halor ban pynkupbor ja ki paitbah lyngba ki ain jong ka KHADC, kaba la tip kum ka Khasi Hills Autonomous District Administration of Elaka Amendment act 2023 bad ka Khasi Hills Autonomous District Khasi social custom of linage act 2023. Ha kaba ha katei ka dorbar ba yn pynkupbor ia ki rangbah dong, seng longkmie, seng samla bad ruh ki Dorbar shnong.
U la ong ba kane ka dei ka sien ba nyngkong ha ka histori jong ka KHADC ba kane ka rynsan ba la buh da ka constitution jong ka ri India ki la thaw ia kine ki aiñ, ki la bsuh ia ki kyndon aiñ ban kren shai kdar ka bor jongki shnong, ki seng kynthei, seng longkmie, ki seng samla bad khamtam eh ia ki rangbah kur.
Shuh shuh u la kyntu ia ki paitbah ba kin wan namar kane ka jingiakynduh jong ka jaitbynriew khasi ha ka jingsynshar jong ka KHADC bad ha kane ka sngi kin don ki nongialam ka synjuk nongsynshar shnong, ka synjuk dorbar kur ban pyni sha ka pyrthei ba ngi iatylli, khamtam ba la ioh ia ka aiñ ba la pynkupbor ki, khamtam lada lah lei ban ai ka jingiatrei lang ha kawei ka shatri.
U Secretary ka synjuknongsynshar u la pynpaw ba ka dorbar bah ba khatduh ba la long ka dei ha u snem 2015 ba la khot pynlong da ka synjuk ki nongshynshar shnong ka Bru u Hynñiewtrep ha kaba hadien jong kato la slot noh ia ka bor jongki nongsynshar shnong.
Kumta u la kyntu jur ban ia mih rynti ki dorbar shnong, ki dorbar kur, ki seng samla bad kiwei ha katei ka sngi ban kyntup ia ki seng bapher bapher ba la ioh ka jingithuh na ka KHADC.
