Shillong, Naiwieng 20: Mynta ka sngi ka kong Delina Khongdup ka dei ka dkhot jong ka National Women Commission kala leit ban jngoh ia kawei ka long kmie kaba la shah thang ha la u jong u lok jong ka u bah Dahen Dkhar ha ka shnong Niriang ha West Jaintia Hills District.
Haba kren ha ki lat pathai khubor ha dien ba ka dkhot jong ka NWC ka kong Delina kala ong ba kane ka jingleh bein jong u lok jaka kamd ei ka sien kaba nyngkong, la juh sohbad dat ia ka la bun snem bad mynta la thang ia ka bad ha duh ban da paw pyrthei kala shim por jan dap shibnai, kala ong ba kane ka long kmie ka shitom bha wat la kala kham ioh bor.
Kaba phylla ka long balei ka Civil Hospital ia kane ka jingjia kam shym la pyntip ban register ejahar ia kane ka jingjia, kaba ka dang hap ban ioh ia ka jingtip balei kane ka jia ka long ba bun ki jingshah ban bein ki kynthei la shu ia buhrieh kim wan sha khmat ban iathuh.
La iathuh ba ki pulit kila kem ia u bah Dahen Dkhar bad na ka liang jong ka NWC ka dawa ba ki bor ka ain kim dei ban ai jamin da kaba suk ia u ne u briew namar kane kam dei shuh ka sien kaba nyngkong ba u shoh ia la ka jong ka kurim.
Ha ka juh ka na ka liang jong ka NWC kila ia kren mynta ba ban don ka jingiamir jingmut ruh ia ki long kpa namar kumba ka long mynta na Meghalaya ka ioh ia ki jingujor hapdeng 10 bad 15 tylli ia ka jingshah thombor ki long kmie hala ki jong ki kurim.
