Shillong, Rymphang 07: U bah Lamphrang Blah shongknor ka iing dorbar thawain jong ka Khasi Hills Autonomous District Council (KHADC) ha kren ai khublei ia ki dkhot ka iing dorbar kiba la ibit ba un don ha ka shuki shongknor la ong ba ki bor na sawdong sawkun ki wan ban pynthud.
Na ka liang jong u Shognknor ka iing dorbar thawain ka KHADC u la kyrpad ia ki dkhot jong ka iing dorbar ba kin ia treilang bad u la pynsngew hapoh ka iing dorbar ban bud dien ia ki Bill kiba la pdiang da ka iing dorbar ban bud dien ban pynlong ain.
Da ka jingsngewrit u bah Lamphrang Blah la pynpaw hapoh ka iing dorbar ba u don shibun ki jingduna ha ba don kano ka jingeh ban ia kynduh bad ba kin ai jingmut ruh ha kaba ia dei bad kiba bun ki kam.
U bah Lamphrang u la ai khublei ia ka party NPP kaba la ibit ban pynkhamti ha u ia kane ka kam, u ai ka jingkhublei ia ka kynhun UDA kaba kyntup ia ka UDP, HSPDP bad ki dkhot shimet bad kum juh ia ka liang pyrshah kiba la ai jingkyrshan ia u ban don ha kane ka kyrdan.
Ki dkhot jong ka iing dorbar kiba la kren ai khublei ha kane ka jingjop don burom kumu shongknor ka iing dorbar hapoh jong ka KHADC ki long u CEM u bah Titosstarwell Chyne, nongialam la liang pyrshah u bah P N Syiem, bah Gigur Myrthong, Bah Bindo M Lanong, Bah R V Lygndoh, Bah Joseph Fantin Lakadong, Bah Teiborlang Pathaw, Rangkynsai Kharbuki, u M N Mukhim, Paul Lyngdoh, Gabriel Wahlang, Balajied Rani, Pyniaid Sing Syiem, kong Grace Mary Kharpuri.
