Shillong, Nohprah 11: Ki shipai BSF hapoh ka jingialam jong u IG PK Dubey u la pdiang burom ia u DG jong ka BGB u Major General Abul Hossain, Director General, Border Guard Bangladesh ha ka por ba u la wan poi ha u mot bala tei nam ban sah kynmaw ia ki shipai kiba la aiti ia la ka jingim ha ka tham India Pakistan ha u snem 1971 ba pynioh laitluid ia ka Ri Bangladesh.
Ha u ne u maw mot ba la tei nam ia kine ki shipai BSF kiba la aiti iala ka jong ka jingim ha katei ka thma la thoh ia ka kyrteng jong ki. Ha katei ka thma 1971 kaba la ialeh ha pdeng ka India bad ka Pakistan ban pynlaitluid ia ka Ri Bangladesh ka surok Balu sha Tura ka long ka surok kaba don kam tam na ka bynta ka iaid ka ieng jong ki shipai.
U DG jong ka BGB u l ong ba u Mohammad Ashfaq u la phet noh ha ka kynhun shipai suin jong ka Paksitan bad u la aiti iala ka jong ka jingim bad pyniasoh ia lade bad ka kynhun shipai Mukti Bahini ha Mymensingh bad ia kane ka sngi ruh la rakhe da ka Bangladesh.
Ha kane ka jingwan jong u DG jong ka BGB u la ong ba ka Ri Bangladesh ka kwah ban dang ia jan shuh shuh bad ka Ri India ha baroh ki liang bad kane ka jingiakynduh kaba la long mynta ka sngi ka la long kaba jop.
