Shillong, Jymmang 06: Ha ka sngi u blei na ka daw jong ka jingbeh kyrthep ka eriong bad ka jinghap phria kila don bun ki iing kila julor bad kane kala ktah ia ki hynniew tylli ki District ha ka jylla bad ki iing kiba la jot ki lng haduh 483 tylli kila julor.
Halor kine ki jingshah pynjulor ha ka mariang u myntri rangbah ka jylla u Conrad K Sangma u la bthah ia baroh ki Deputy Commissioner jong ki District bapher bapher ba kin ai jingiarap sha kito ki long iing kiba la shah ktah bad kane jingia jingiarap kala sdang.
Ki jingiarap kiba la ai ka long ki tin sop iing kiba la shah pynjulor, mynshuwa haba jia kumne ki kyndon kiba la buh ka long tang ban ai ia ki mar bam bad kine ki jingiarap ban shna biang ia ki iing kim ki tin sop iing kam don ha ka rule.
U myntri rangbah la ong ba ha kine ki snem kiba la dep ka sorkar kala pynkylla ia ki kyndon, hynrei mynta ki Deputy Commissioner khlem da ap ban ioh ia ka jingmynjur kila lah ban iarap ban ai ia ki tin sop iing katkum ka jinglap ka shem jong ki ha ki District.
Mynshuwa ban ai ia ki tip sop iing ka shim por hynriew bnai haduh shisnem hynrei mynta ki Deputy Commissioner kila lah ban iarap ban ai ia ki tin ban sop ia ki iing bad mynta ka sngi bun bah ki long iing kila ioh ia ki tin sop iing na ka bynta kito kiba khlem pat ioh kin sa ioh hapoh kine ki 48 kynta.
