Shillong, Risaw 27: ka ophis jong ka NCC Directorate ba dei jong ka dong shatei lam mih ngi jong ka Ri India kan pynlong ia ka jinghikai ba kyrpang ia ki dkhot ki NCC kiba la wan na ki shnat bapher bapher ka ban sdang ha Umroi Contonment naduh la shai ka sngi bad kan kut ha ka 4th Naiwieng 2018.
Ki dkhot jong ka NCC na ki jaka kylleng kylleng kiba la poi mynta ka sngi sha kane ka jinghikai kaba kyrpang ki long 500 ngut na ki hynniew tylli ki jylla jong ka dong shatei lam mih ngi jong ka Ri India. Ia kane kren pdiang burom ia kine ki dkhot ka NCC la aid a u Brig PM Bali u ba dei peit ia kane ka kynhun jong ka NCC ha Shillong.
Ka jingpynlong ia kane ka jingiakynduh lang jong ki dkhot ka NCC na kane ka thain shatei lam mih ngi jong ka Ri India ka long ban wanrah ia ka jingiasngewshipara, ban don ia ka jingiaid beit, ka mynsiem ia treilang, ban ioh ia ka mynsiem nongialam bad ia ki dkhot kiba leh bha ha kane ka jingia jinghikai yn jied ba kin iohleit sha ka jinghikai ia kaba la tip kum ka Republic Day Camp ha Delhi.
Ki jinghikai kiba yn sa ai ha kine ki sngi kan long ka jingkillan met, ka jingsait suloi, kumno ban bat ia ki tiar ia lehthma, kumno ban shim ia ka salute, ka jingpyni iaki riti dustur bad kumno ban burom ia ka lama bad kiwei kiwei ki jinghikai.
