Shillong, Risaw 24: Kum shibynta ban ai mynsiem ia ki khun samla ka jylla ba kin sei madan ia la ki sap ki phong jong ki, ha ki jai jingialeh kai bapher bapher. Ka Mawkynrew Cup Commetee, shen kan sdang ban pynlong da Mawkynrew Cup kaba dei ruh ka 4th Mawkynrew Cup Open To All.
Ia kane ka jingialehkai yn sa sdang ha ka 27th Risaw 2023 mynta ka snem ha madan ialehkai jong ka kaba khynthup ia ki samla kynthei bad shynrang, la kyntu ia ki samla ba kin wan ban ia shim bynta ha kane ka jingialehkai kynjat ball.
U nongkhot ia kane ka kynhun ialehkai u bah Iakmenlang Wankhar u la kyntu ia kiba bun ki samla ba kin wan ban ban iashim bynta ban sakhi ha katei ka sngi kum shi bynta ban ai mynsiem ia ki rang bad ki thei samla ki ban pyni ia ki sap jong ki ha ka jingialehkai kynjat ball.
Ka jingialeh kai ha katei ka sngi kan sdang naduh ka por 11baje mynstep da ki jingrwai jingshad na ki khun samla ki riew donsap ka jylla kumjuh ruh ki jingialehkai bapher bapher, ha ka por 2 baje nohphai sngi kan sdang ka jingialehkai kynjat ball da ka khynhun jong ka Jongsha FC Pyrshah ia ka Khapmaw FC na ka liang jong ki shynrng ha ka sngi sdang.
Ki team kiba iashim bynta ki long haduh 40 tylli ka khusnam ba nynkong jong ki shynrang ka 2 lak tyngka ba Ar 1lak tyngka, katba ia ki khynthei pat ka prize ka dei 30,000 hajar ba nynkong bad kiba ar pat 20,000 hajar, ia katei ka jing ialehkai yn wan ban plie paidbah da u MLA Jong ka thaiñ u Bah Banteidor Lyndoh.
