Shillong, Jymmang 05: Mynta ka sngi ha ka por kumba 10.30 baje mynstep ka eriong kala beh kynsan bad kala rat ia ki iing haduh 20 tylli haoh ka shnong Mawlynrei kaba hap hapoh jong ka Mawryngkneng Block.
Na ka liang jong u SP News Agency u la ioh ban ia kren bad u rangbah shnong u bah Ornel Pyngrope la aithuh ba ki iing kiba la shah pynjulor ha kane ka eriong ki don 20 tylli la lap ha ka por ba ki nongkit kam shnong kila leit ban jurip.
Ha ka juh ka por u rangbah shnong u la iathuh ba ha kane ka jingshah lynshop ha ka mariang kam shyn don kano kano ka jingjia kaba sngewsih ne kano kano ka jingktah ia ki briew, la ong ba na ka liang jong ka shnong ki dang ia jurip ban lap ioh dang don shuh kiba shah pynjulor.
Kiwei pat ki thymmei khubor ki iathuh ba na ka liang jong ki bor jong ka East Khasi Hills District la phah ia ki briew jong ka sorkar ban leit ban jurip halor kane ka jingshah pynjulor ha ka mariang.
