Shillong, Nailar 09: U Myntri Rangbah ka jylla u Conrad K Sangma mynta ka sngi u la ia shim bynta ha ka jingrakhe ia ka sngi “International day of the World’s Indigenous” kaba la pynlong da ka North East Indigenous People’s Forum (NEIPF), Meghalaya Chapter kaba la long ha Multi Conventional Hall ha NEHU, Shillong.
Haba kren ha kane ka jingialang u la ong ba ki jingeh jong ki trai ri trai muluk jong kane ka thain shatei lam mih ngi jong ka Ri Indai ka dei kaba u juh shim khia bha ia kane ka bynta, u la ong ba ki seng sain pyrthei bapher bapher bad ki seng bhalang ruh ki don ia ka juh ka thong.
Kum ki trai ri trai muluk ka bynta kaba ha khmat eh ka long ban pynneh pynssah ia la ki jong ka tynrai bad kine ki jinglong ki pyniapher na kiwei pat ki jaidbynriew bad u la ong ba u sngewsarong iala ka jong ka thymmei.
U mytnri rangbah ka jylla u Conrad K Sangma u la ong ba ka long kaba don kam ban wanrah ia ka jingkylla ha ka pyrkhat pyrdain khlem da shaniah than ha ka bhah kyrpang, kaba kongsan ka long ban peit sha bar jong ka bhah kam kyrpang namar ki samla kane ka thain ki long kiba tbit ban ia khun bad kiwei ha ki laing baroh.
U Myntri rangbah ka jylla la ong ba don kam ban pynithuh sha ka pyrthei ia la ka jong ka thymmei hynrei ymd ei ban shim kabu pat, u la kyntu ia ka NEIPF ba kan buh da ka jingthoh ha kba ia dei bad ki trai ri trai muluk kane ka thain shatei la mih ngi. Ka sorkar Meghalaya ka ia treilang bad ki lai tylli ki Dsitrict Council ban pynneh pynsah ia ki riti dustur.
Ha kane ka sngi u myntri rangbah ka jylla la ong ba ki jylla ha kane ka thain shatei lam mih ngi ka Ri India ki don la ki jong ki jong ki jingeh, kum kane ka kynhun ki dei ban ia wanlang ban weng ia ki jingeh kane ka thain, u long ba u diaw shisha ban ioh ia ka jingjia ha Manipur, kyntu ba kin wat ia ki lat ki lynti ban pynioh ia ka jingsuk ha Manipur.
U Myntri Rangbah ka jylla la ong ba ia kane ka spah jingtip kaba don dei ban ai pateng sha ki pateng ban dang wan,ha kane ka sngi la pynlait ruh ia ka kot kaba la ai kyrteng “Indigenous 2023” ha ka jingiadon lang kiwei ki nongialam na kane ka thain.
