Shillong, Jylliew 23: U myntri rangbah ka jylla u Dr Mukul Sangma mynta ka sngi u la khot ia ka high level meeting ha kaba la don lang u Deputy Chief minister ba deipeit ia ka tand education kila ia kren sani bha ia ki jingeh jong ka tand pule puthi jong ka sorkar.
Ha kane ka jingialang na ka liang jong ka sorkar kala tip ia ka jingeh jong ki khynnah Class XI ha kaba ia dei bad ka jingioh rung class ka jong ki ha ka jylla baroh kawei, ban pynthikna ba baroh ki khynnah ki dei ban ioh rung class ka sorkar kala mang pisa T.3.5 klur tyngka ban thung ia ki 102 ngut ki nonghikai bad 11 ngut ki Laboratory Assistance.
Ia kine ki nonghikai un thung shuwa ha ka dur jong ka kontrak khnang ba ioh ban hikai ia ki khynnah ha ka class XI. Ha kane ka jingialang la shim ia ka rai ba ka sorkar kan iarap ban pynbha ia ki skul hynrei ka sorkar kan nym provincialisation ia ki skul hynrei kan kan iarap ia ki skul kumba long ki defecit school.
Ia ki iing skul kiba la shah pynjot ka sorkar kan shna noh ia ki khnang ba ki khynnah kin ioh ban pule khlem da don ka jingthut ia kane ka pisa yn sei na ka Disaster Relief Fund.
