Shillong, Jylliew 01: U myntri sorkar ba peit ia ka tnad pule putting ka jylla u Rakkam A Sangma u la pynpaw ba ki ba bun hi ki skul ba ki kolej ha ka jylla kim lah ban pyntreikam ia ka National Education Policy (NEP) 2020 na ki ba bun ki daw.
Haba kren sha ki nongthoh khubor u Rakkam A Sangma u la ong ba na duh ka taiew ba la dep ka tnad pule puthi ka la pynlong ia ka jingialang bad ki khlieh nongpeit ia ki jaka pule ba pher ba pher ban phah ia ka jingsoi ba ki khlem lah ban pyntrei kam kat kum ka NEP 2020 na ka bynta ka academic year 2023-2024.
U Rakkam A Sangma u la ong ha ki jingialang ba la iaid bad ki khlieh nongpeit ia ki jaka pule ba kynthup ruh ruh ka North Eastern Hills University (NEHU) bad u principal ka council jong ka jylla u la shim ia ka rai ba kim pat long ba bit ba pyntreikam ia ka NEP 2020.
Ka jingpyntreikam ia ka NEP 2020 Ka dei ka jingdo kam jong ki kynta hynrei ki ba bun ki khlieh nongpeit ki jaka pule ki pynpaw ba kim kwah ban pyntreikam ia ka NEP 2020 naduh ka academic year 2023-2024.
Ka sorkar jylla ruh ka la buh jingkylli ia ki khlieh nongpeit ki jaka ai jingpule ba kin phah da ka jingthoh sha ka sorkar ban pynpaw ia ki jingshem jingeh haba iadei bad kane la ong u Rakkam A Sangma.
Shuh shuh u la ong ba NEP 2020 ka rukom pyntreikam ka long ka ba bit ba biang ia baroh ban wanrah ia ka rukom pyniaid ha ka puli puthi ha ka ri hi baroh kawei. Hynrei kawei jingeh ka long ba ka multi disciplinary courses donkam ban sdang naduh u snem 2030 ha ki kolej.
U la bynrap ba ki ba bun ki jingeh ha ka NEP 2020 khamtam ka jingduna ki infrastructure ba kiba bun ki jaka pule ha ka jylla kim lah ban pyntreikam kyrkieh, ka tnad lule puthi ka donkam ba kan shikhia bha halor kane ka bynta.
U myntri la ong ba kila trei shitom katba lah namar ngi kwah ba pyntreikam ia ka NEP 2020 ha kine ki sngi ba wan, watlada kiba bun ki jaka pule ki pynpaw sha ka sorkar ba kim lah ban pyntreikam ia ka NEP ha kine ki snem, hynrei ki ruh ki hap ban pynpaw ba naduh 2024-2025 session hynrei ban iai ai ha ki katto katne sngi.
Haba kylli u Rakkam A Sangma u la ong ba naduh 2024-2025 khlem kino kino ki daw balei ba ymlab. An pyntreikam ia ka NEP 2020 bad ha ki taiew ban wan ngin sa lah ban pynshai haba iadei bad kane ka ishu bad ka jingiakynduh bad ka jingshimkhia ki jaka pule ba pher ba pher jong ka jylla.
