Shillong, Naitung 19: U Vice Chancellor ka North Easter Hill University u Prof. Prabha Shankar Shukla mynta ka sngi u la pynbna ba baroh ki Kolej kiba pyniasoh bad katei ka skulbah ki dei ban pyntrei kamnoh ia National Education Policy, 2020 naduh u Nailar 2023 yn sdang klass thymmai.
Haba kren ha ki lat pathai khubor mynta ka sngi ha Shillong Press Club, la ong ba ia kane la shim ha ka jingialang kaba 110 jong ka skul bah bad la phah ia ka jingpyntip sha ki Kolej halor kane ka rai ban pyntrei kam noh ia ka NEP-2020.
La iathuh ba ha ka jingpule ia ka Master Degree la sdang ha u snem sdang klass jong u snem 2022 bala dep bad ia ka Degree pat yn sdang ha u Nailar 2023 jong u bnai ban wan, lada don ki Kolej kiba ym lah ban sdang mynta u snem ki hap pat ban sdang ha u snem ban wan.
Lada don kum kitta ki Kolej ki dei ban pyntip sha ka skul bah NEHU da kaba ai ia ki jingbatai kaba bniah balei kim lah ban pyntrei, u Vice Chancellor u la ong ba u don ban iarap kumno ba kin pyntreikam ia kane ka NEP-2020, kaba mut ba ka jingpule kaba saws nem ia ka Degree kan sdang naduh u bnai ban wan.
Kum u khlieh jong ka NEHU u la sdang ruh ia ki jinghikai kumno ban lah ban pynmih kam kuba la leh ha Tura Campus ha West Garo Hills ban pynmih ngap, la ong ba mynta ka NEHU kam deishuh tang ka jaka pule hynrei kan long ruh ka jaka ai kam, bad kan sdang shuwa iaki samla pule jong ka, ia mynta kin don 5000 tylli ki kam.
Haba ia dei bad ka jingthmu ia ki nonghikai ha ki Kolje dei ka University Grant Commission kaba juh pymih iaki kyndon na ka por sha ka por, hynrei kaba kongsan kalong ba kiba kwah kam hikai ki hap ban pyndep ia ka eksam UGC National Eligibility Test.
