Tura, Jylliew 02: Ka kynhun ki seng kaikhlaw ha Garo Hills kynthup ia ka United A’chik Liberation Army (UALA) bad ia ka A’chik Revolutionary Front (ARF), lem bad kiwei kiwei kila pynpaw baki long kiba la kloi ban poi sha ka miej jingiakren ia sukl.
U chairman ka seng UALA, u Chiindik Marak ha ka jingpynlait khubor ka jong ki mynta ka sngi kila ong ba kila shim ia ka rai ba ki kwah ban don ka jingshong suk ha Garo Hills namar kumba ka long mynta ka jinglong ka shong suk shongsain ha Garo Hills ka la synjor palat.
Ka phang pdeng jong kane ka jingiakren ia suk ka long ba ki dei ban ioh ia ka jylla Garo Land, ha kane ka jingialeh ban ioh ia kane ka jylla kim kwah ban don ka jingiaumsnam bad ki kwah ban sangeh noh da kane ka jingiakren ia suk. La ong u Chairman ka UALA.
Naka liang jong u chairman ka ARF,u Mangrak Marak u la ong ba ka jingmih bun kine ki seng lehnoh ka dei na ka daw jong ka jingiapher jingmud ha ka rukom pyrkhat hapeng ki nongialam, kumta ki la shim ia ka rai kum ka UALA, ka ARF bad ka khynhun ANVC(B) kiba ia khun ban ioh ia la ka jong ka jylla ba kin wan sha kane ka jingiakren ia suk.(SP News)
