Shillong, Naitung 01: U bah Ardent CEM ka KHADC u kynnoh kylla ia ka liang pyrshah mynta ka sngi hadien ba ki liang pyrshah ki la mih jyndat na ka dorbar tang mar ia pass ia ka Bill ha kaba iadei bad ka Hima bhowal u la kynnoh ruh ba kane ka long tang ka jing kwah pynkulmar jong ki.
U bah Ardent u la ong Balei ki kwah ban kren tang ia kine ki ar tylli ki hima, bad balei ka liang pyrshah ka pyrshah tang mar ia pas ia ka bill jong ka hima bhowal bad ki da kynthoh ruh ia ka EC ba ka leh don hynrei ka EC kam Leh jubor ka leh kat kum ki kyndon ain.
Yn nym lah ban trei kam khlem ki kyndon ain bad kat kum ki kyndon lah lah ban ai ia ka jingpynkyllaq lyngba u secretary sha ka Chairman hynrei ai kane ruh ki khlem submit ki khlem leh ei ei kane baroh ka dei tang ka jing kwah pynkulmar.
Ha kaba iadei bad ka jingjied ia u acting syiem jong ka hima bhowal ruh la leh kat kum ka jing mon jong jong u paidbah u la ong ruh ka kham khlain ka dorbar ban ai ia ka EC hynrei ka bor ban thung bad ban weng pat ka shong ha ka EC, bad ban the kyndon ia ki rukom pyniaid ka Dc kane ka long kaba bakla.
U la ong ruh kat kum ka Principal act 1954 “the united Khasi and jainti hill autonomous district Council” (Appointment and succession of chief and headman act1954) Ka Ec ka don ia ka bor ha ki ban thung bad bad weng ia ki syiem.
Bad haba phai ha ka thung ia u syiem jong ka hima Malai sohmat ruh la thung ia u syiem kat kum ka nongrim , bad ruh haba dei bad ki jait ban long syiem ym dei ma ngi ba ailad hynrei ka da don ka jingiakhun ban long syiem bad ka dei ruh ka Court kaba ai ia ka rai.
U la ong ruh ka EC kam trei kam ha kaba ban pynkhein ain ne leh donbor ngi leh bad ngi kren ia ka jingshi sha kumba ka long, ha ngi ha kaba ia dei bad kane kam don kano kano kaba bakla hynrei baroh ki long kiba shai.
Kine ki jingkynnoh na ka liang pyrshah ki iai mih na ka por sha ka por da kaba ong ngi dei ka liang iatei bad kwah ban iatrei lang hynrei ki leh pat kum kine ki ei ei khlem ka nongrim ong u bah Ardent.(SP News)
